ভয়ংকৰ ঘটনা- ফৰেনচিক লেবৰ পৰা সন্ধানহীন হ’ল শ্বীনা বৰাৰ মৃতদেহৰ অৱশিষ্ট
আপডেট নাউ, ১৫ জুনঃ ২০১২ চনত আৰক্ষীয়ে উদ্ধাৰ কৰা শ্বীনা বৰাৰ জলন্ত মৃতদেহৰ অৱশেষ হ’ল ‘সন্ধানহীন’ । এই ভয়ংকৰ হত্যাৰ বিচাৰত বৃহস্পতিবাৰে এক বিশেষ কেন্দ্ৰীয় অনুসন্ধান ব্যুৰোয়ে আদালতক সদৰী কৰিছে এই কথা ।
২০১২ চনৰ ২৪ এপ্ৰিলত শ্বীনা বৰাক তেওঁৰ মাতৃ, প্ৰাক্তন মিডিয়া কাৰ্যবাহী ইন্দ্ৰাণী মুখাৰ্জীয়ে গাড়ীত শ্বাসৰুদ্ধ কৰি হত্যা কৰাৰ অভিযোগ উত্থাপিত হৈছিল। বৰাৰ মৃতদেহ জ্বলাই মহাৰাষ্ট্ৰৰ ৰায়গড় জিলাৰ এখন অৰণ্যত পেলাই দিয়া হৈছিল। ঘটনা সন্দৰ্ভত দীৰ্ঘদিন ধৰি চলা তদন্তৰ অন্তত শ্বীনা বৰাৰ মাতৃ ইন্দ্ৰাণী মুখাৰ্জীক ২০১৫ চনত গ্ৰেপ্তাৰ কৰা হয়।
২০২২ চনত, উচ্চতম ন্যায়ালয়ে মুখাৰ্জীক জামিন প্ৰদান কৰে কয় যে তেওঁক চাৰে ছয় বছৰৰ বাবে কাৰাগাৰত ৰখা হ’ল আৰু গোচৰটোৰ বিচাৰ সোনকালে সম্পূৰ্ণ হোৱাৰ কোনো সম্ভাৱনা নাই।
ইন্দ্ৰাণীৰ স্বামী পিটাৰ মুখাৰ্জী, প্ৰাক্তন স্বামী সঞ্জীৱ খান্না আৰু গাড়ী চালক শ্যামবৰ ৰায়ক অপৰাধটোৰ সহযোগী বুলি অভিযুক্ত কৰা হয় আৰু পিটাৰ মুখাৰ্জীক ২০২০ চনৰ মাৰ্চত জামিনত মুকলি কৰি দিয়া হয় ।
বিগত বৃহস্পতিবাৰে কেন্দ্ৰীয় অনুসন্ধান শাখাৰ আদালতে ২০১২ চনত বৰাক সমাধিস্থ কৰা স্থানৰ পৰা আৰক্ষীয়ে উদ্ধাৰ কৰা অৱশেষবোৰ পৰীক্ষা কৰা ফৰেনচিক বিশেষজ্ঞ জেবা খানৰ সাক্ষ্য লিপিবদ্ধ কৰে ।
বিশেষ ৰাজহুৱা অধিবক্তা (Special Public Prosecutor) চি জে নান্দোডে আদালতত সদৰী কৰে যে শ্বীনা বৰাৰ হাড় আৰু অন্যান্য অৱশিষ্টবোৰ বৰ্তমান ‘সন্ধানহীন’ । “হত্যাৰ বিচাৰৰ সৈতে সম্পৰ্কিত ফৰেনচিক বিশেষজ্ঞৰ দ্বাৰা পৰীক্ষা কৰা সামগ্ৰীবোৰ বিচাৰি উলিওৱাৰ বাবে এক বিস্তৃত অনুসন্ধান কৰা হৈছিল, অৱশ্যে, একো পোৱা নগ’ল, বিশেষ ৰাজহুৱা অধিবক্তা চিজে নান্দোডে আদালতক কয় । এই ঘটনাই এতিয়া সৃষ্টি কৰিছে তীব্ৰ চাঞ্চল্য । উল্লেখ্য যে, এই গোচৰৰ পৰৱৰ্তী শুনানী হ’ব ২৭ জুনত ।