নিউজ ডেস্ক, ১৪ জুনঃ SI জোনমণি ৰাভাৰ ৰহস্যজনক মৃত্যুৰ গোচৰৰ তদন্তৰ দায়িত্ব ল’লে কেন্দ্ৰীয় তদন্তকাৰী সংস্থা চমুকৈ CBI য়ে । এতিয়াৰে পৰা CBIয়ে কৰিব সমগ্ৰ ঘটনাৰ তদন্ত। উল্লেখ্য যে মাত্ৰ কেইটামান দি পূৰ্বে ডিজিপি জি সিং এই সংক্ৰান্তত উপস্থিত হৈছিল গৈ দিল্লীৰ CBI ৰ মুখ্য কাৰ্যালয়ত। ঘটনাৰ তদন্তৰ দায়িত্ব ল’বলৈ আহ্বান জনাইছিল CBIক । ইয়াৰ পাছতেই এতিয়া ঘটনাৰ তদন্ত CBIয়ে কৰিব বুলি জানিব পৰা গৈছে।
উল্লেখ্য যে বিগত মাহৰ ১৫ তাৰিখে মাজনিশা এখন ট্ৰাকে জোনমণিৰ বাহনত খুন্দামৰাৰ ফলত গাড়ীৰ ভিতৰত মৃত্যু হৈছিল জোনমণিৰ । কিন্তু ৰাজ্যৰ সকলো স্তৰৰ লোকে দাবী কৰিছিল যে জোনমণিৰ মৃত্যু স্বাভাৱিক নাছিল । জোনমণিক পৰিকল্পিতভাৱে হত্যা কৰা হৈছিল। এতিয়া CBIৰ নিৰপেক্ষ তদন্তৰ পাছত পোহৰলৈ অহাৰ সম্ভাৱনা আছে বহু কথা ।