নেশ্যনেল ডেস্ক, ১৪ জুনঃ ঋণ লৈ ৰাজ্যৰ মুখ্যমন্ত্ৰী হিমন্ত বিশ্ব শৰ্মাই যে কেৱল অভিলেখ গঢ়িছে তেনে নহয় । ঋণ লৈ অভিলেখ গঢ়িছে প্ৰধানমন্ত্ৰী নৰেন্দ্ৰ মোদীয়েও । শেহতীয়া এক তথ্য অনুসৰি ৯ বছৰৰ কাৰ্যাকালত ১০০ লাখ কোটি টকাৰো অধিক ঋণ ল’লে প্ৰধানমন্ত্ৰী মোদীয়ে ।
কংগ্ৰেছে দাবী কৰি কয় যে নৰেন্দ্ৰ মোদী চৰকাৰৰ অধীনত দেশৰ ঋণ ৯ বছৰত ১৫৫ লাখ কোটি টকালৈ বৃদ্ধি পাইছে যি ৬৭ বছৰত ১৪ জন প্ৰধানমন্ত্ৰীৰ অধীনত ৫৫ লাখ কোটি টকা আছিল।এখন সংবাদমেলত কংগ্ৰেছৰ মুখপাত্ৰ সুপ্ৰিয়া শ্ৰীনেটে অভিযোগ কৰে যে ২০১৪ চনত ভাৰতীয় জনতা পাৰ্টী শাসনলৈ অহাৰ পিছত দেশখনৰ ঋণ ১০০ লাখ কোটি টকা বৃদ্ধি পাইছে।
কংগ্ৰেছৰ মুখপাত্ৰগৰাকীয়ে লগতে অভিযোগ কৰে যে দেশৰ ৩% সম্পদৰ গৰাকী ৫০% ভাৰতীয়ই সামগ্ৰী আৰু সেৱা কৰৰ ৬৪% পৰিশোধ কৰে আনহাতে, দেশৰ ৮০% সম্পদৰ গৰাকী আটাইতকৈ ধনী ১০% ভাৰতীয়ই ইয়াৰ মাত্ৰ ৩% পৰিশোধ কৰে ।
শ্ৰীনেটে লগতে কয়, “ভাৰতে এই বৰ্ধিত ঋণ পৰিশোধ কৰিবলৈ সূত পৰিশোধ হিচাপে বাৰ্ষিক ১১ লাখ কোটি টকা ব্যয় বহন কৰি আছে।” “CAGৰ (কম্পট্ৰ’লাৰ এণ্ড অডিটৰ জেনেৰেল) প্ৰতিবেদন অনুসৰি, ২০২০ চনত আমাৰ ঋণ-স্থিৰতা ঋণাত্মক লৈ গৈছিল আৰু তাৰ পিছত জিডিপিৰ ঋণ (মুঠ ঘৰুৱা উৎপাদন) অনুপাত আছিল মাত্ৰ ৫২.৫%, এতিয়া ই ৮৪%। এতিয়া আমাৰ ঋণ পৰিশোধ কৰাৰ সামৰ্থ্যৰ ওপৰত প্ৰশ্ন উত্থাপন কৰা হ’ব।”