পুটিনলৈ কিমৰ ‘পূৰ্ণ সমৰ্থন আৰু সংহতি’ৰ বাৰ্তা

Kim’s message of ‘full support and solidarity’ to Putin

ইণ্টাৰ্নেচেনেল সেৱা, ১২ জুনঃ ৰাছিয়াৰ ৰাষ্ট্ৰপতি ভ্লাদিমিৰ পুটিনলৈ প্ৰেৰণ কৰা বাৰ্তাত উত্তৰ কোৰিয়াৰ নেতা কিম জং উনে মস্কোক তেওঁৰ দেশৰ “সম্পূৰ্ণ সমৰ্থন আৰু সংহতি”ৰ আশ্বাস দিয়ে।

খবৰ অনুসৰি কিমে সোমবাৰে (১২ জুন) ৰাছিয়াক ৰাষ্ট্ৰীয় দিৱস উপলক্ষে অভিনন্দন জনাই এই বাৰ্তা প্ৰেৰণ কৰে।

উত্তৰ কোৰিয়াৰ সৈতে বন্ধুত্বপূৰ্ণ সম্পৰ্ক থকা কেইখনমান দেশৰ ভিতৰত ৰাছিয়া অন্যতম।

উত্তৰ কোৰিয়াৰ চৰকাৰী সংবাদ সংস্থা কোৰিয়ান চেণ্ট্ৰেল নিউজ এজেন্সীয়ে প্ৰকাশ কৰিছে কিমৰ বাৰ্তা।

কিন্তু কিমৰ বাৰ্তাত ইউক্ৰেইনৰ ওপৰত প্ৰত্যক্ষ আক্ৰমণ বা সশস্ত্ৰ সংঘাতত মস্কো জড়িত হোৱাৰ কথা উল্লেখ নকৰাকৈ বিৰোধীৰ ক্ৰমবৰ্ধমান ভাবুকি নিষ্ক্ৰিয় কৰিবলৈ পুটিনৰ “শুদ্ধ সিদ্ধান্ত আৰু নিৰ্দেশনা”ৰ প্ৰশংসা কৰা হৈছে।

ইয়াৰ উপৰিও বাৰ্তাটোত এইটোও উল্লেখ কৰা হৈছে যে সাম্ৰাজ্যবাদীৰ অত্যাচাৰ আৰু স্বেচ্ছাচাৰীতাৰ বিৰুদ্ধে নিজৰ দেশৰ সাৰ্বভৌম অধিকাৰ, উন্নয়ন আৰু স্বাৰ্থ ৰক্ষাৰ বাবে উত্তৰ কোৰিয়াৰ জনসাধাৰণে ৰাছিয়াৰ জনসাধাৰণৰ প্ৰতি সম্পূৰ্ণ সমৰ্থন আৰু সংহতি প্ৰকাশ কৰিছে।

ইউক্ৰেইনত যুদ্ধ আৰম্ভ হোৱাৰ পিছত মস্কোৰ সমৰ্থনত পিয়ংইয়াঙৰ পৰা এইটোৱেই আছিল শেহতীয়া বাৰ্তা।

উত্তৰ কোৰিয়াই ইউক্ৰেইনৰ সংঘাতক ৰাছিয়া ধ্বংস কৰাৰ বাবে আমেৰিকাৰ “ছায়া যুদ্ধ” বুলি অভিহিত কৰি কিয়েভলৈ পশ্চিমীয়া সামৰিক সাহায্যৰ ধিক্কাৰ দিছে।

উত্তৰ কোৰিয়াই ৰাছিয়াৰ ভাড়াতীয়া গোট ৱেগনাৰক ৰকেট আৰু মিছাইলেৰে সহায় কৰাৰ অভিযোগ উত্থাপন কৰিছে আমেৰিকাই। অৱশ্যে পিয়ংইয়াঙে এই অভিযোগ অস্বীকাৰ কৰে।

উৎস: মস্কো টাইমছ