নেশ্যনেল ডেস্ক, ১৩ জুনঃ প্ৰধানমন্ত্ৰী নৰেন্দ্ৰ মোদীয়ে আজি বিভিন্ন নিযুক্তিৰ জৰিয়তে নিৰ্বাচিত প্ৰায় ৭০,০০০ যুৱক-যুৱতীক নিযুক্তি পত্ৰ বিতৰণ কৰিব ৷ প্ৰধানমন্ত্ৰীগৰাকীয়েও এই উপলক্ষে নৱনিযুক্ত যুৱক-যুৱতীসকলক সম্বোধন কৰিব বুলি সোমবাৰে প্ৰধানমন্ত্ৰীৰ কাৰ্যালয়ে (পিএমঅ’) কয় ৷
প্ৰধানমন্ত্ৰী মোদীয়ে ১৩ জুনৰ পুৱা ১০:৩০ বজাত ভিডিঅ’ কনফাৰেন্সৰ জৰিয়তে প্ৰায় ৭০,০০০ যুৱক-যুৱতীক নিযুক্তি পত্ৰ বিতৰণ কৰিব, পিএমঅ’য়ে এক বিবৃতিত কয় ৷ কেন্দ্ৰীয় চৰকাৰৰ নিযুক্তি মেলাৰ উদ্যোগৰ (Job Mela) অধীনত নিযুক্তি পত্ৰ বিতৰণ কৰা হ’ব ৷
‘ৰোজগাৰ মেলা’ হৈছে চাকৰি সৃষ্টিক সৰ্বাধিক অগ্ৰাধিকাৰ দিয়াৰ প্ৰধানমন্ত্ৰীৰ প্ৰতিশ্ৰুতি পূৰণ কৰাৰ দিশত এক গুৰুত্বপূৰ্ণ পদক্ষেপ ৷’ প্ৰধানমন্ত্ৰী কাৰ্যালায়ৰ বিবৃতিটোত কোৱা হৈছে ৷ নিযুক্তি মেলাই যুৱসকলক তেওঁলোকৰ সৱলীকৰণ আৰু দেশৰ উন্নয়নত অংশগ্ৰহণৰ বাবে অৰ্থপূৰ্ণ সুযোগ প্ৰদান কৰিব বুলি আশা কৰা হৈছে । নতুনকৈ নিযুক্তি পোৱা কৰ্মচাৰীসকলেও iGOT কৰ্মযোগী পৰ্টেলত নিজকে প্ৰশিক্ষণ দিয়াৰ সুযোগ লাভ কৰিছে ৷ ইয়াত ৪০০ ৰো অধিক ই-লাৰ্ণিং পাঠ্যক্ৰম উপলব্ধ আছে ৷