নেশ্যনেল ডেস্ক, ১২ জুনঃ ২০২৩ চনৰ সৰ্বভাৰতীয় লোক সেৱাৰ প্ৰাথমিক পৰীক্ষাৰ বাবে ১৪,৬০০ ৰো অধিক প্ৰাৰ্থীয়ে যোগ্যতা অৰ্জন কৰিছে । সোমবাৰে এই ফলাফল ঘোষণা কৰে ইউনিয়ন পাব্লিক চাৰ্ভিচ কমিছনে (UPSC) । ভাৰতীয় প্ৰশাসনিক সেৱা (IAS), ভাৰতীয় বৈদেশিক সেৱা (IFS) আৰু ভাৰতীয় আৰক্ষী সেৱা (IPS)ৰ দৰে সেৱাৰ বাবে বিষয়া বাছনি কৰিবলৈ UPSCয়ে প্ৰাথমিক, মুখ্য আৰু সাক্ষাৎকাৰ এই তিনিটা পৰ্যায়ত পৰীক্ষা অনুষ্ঠিত কৰে ।
২০২৩ চনৰ ভাৰতীয় লোকসেৱা প্ৰাথমিক (Prelims) পৰীক্ষা ২৮ মে’ত অনুষ্ঠিত হৈছিল। ক্ৰমিক নম্বৰ, ৰোল নম্বৰ আৰু সফল প্ৰাৰ্থীৰ নাম কঢ়িয়াই অনা তালিকাখন ইউপিএছচিৰ ৱেবছাইটত এতিয়া উপলব্ধ ।